2. Naibureteng

Disada tikki, marminggu ma naiBureteng tontu amaniBureteng do mambonceng ibana di kareta nabaru  di keredit nasida di bulan na salpu. Ia inanta on sahalak parende par-ari kamis do, alai adong do sada na tung mansai si ingoton sian inanta on. Dang olo talu marhata, marpahean, jala sai olo marhata halak.

Boi dohonon, molo tung tu gareja pe ibana, asa sai dibereng jolma i do bajuna dohot angka ugasanna na asing. Disada tikki, dung mulak nasida nadua sian gareja, disungkun ibana ma amaniBureteng

“Bagak pahean ni NAiAdona ateh, bapak ni ucok, dibereng hodo nangkinon??”
“daong huparrohahon i ” ninna amaniBureteng huhut dihobasi sihobasanna

“Imadah, ai baju ni NAiRupana i songon na jeges do bah, ai hami do manuhor i sian onan”
Sip amani Bureteng dang dialusi hatana ni niolina i.

“Ai na baru manuhor golang hape oppuTarida, jago bah, songon na sabadan dohot bajuna i, dibereng hodo nangkinon??”

“Daong”

“Bah…ai marahua do hape ho tu gareja, sude dang diparrohahon ho??

???*&*&???

1. Subali di erek-erek

Hea ma di pakkat mardinas sada koramil / tentara sahalak jawa. jadi goar ni tentara on si SUBALI, ai hea do ra dibege hamu i.

Disada tikki, di sippang tolu siuor-uor, lapo ni si Pandiangan, marlapo ma dongan, jala topet tikki i masa-masa ni togel i dope, tung massai ask do jolma on na mambahas nomor on. Topet ari senen, onan muse, jala pamutaran togel pe attong hatop do.

Ro ma sada tentara sian kantor polisi i, ro mandapothon jolma nadilapo on, alai ala ni sibuk ni mambahas kode alam dohot nomor-nomor on, dang dianturehon na sida, tentara na ro on.

Hundul ma tentara on didok ma tu dongan on

“Dibereng hamu si subali boh!!”

Sip dang adong mangalusi….

Disukkun muse “Ai ro tuson nakkinon si Subali??

JAdi ala sai disukkun, tor dialusi dongan on ma ” Bereng lae ma di erek-ereki, di sitolu angka do i, molo so sala au nomor 415 no subali, na adong do kode alam??”

“Aha do nimmu lae,…” huhut ma jonjong tentara on, “Liat Pak Subali Koramil nggak???!”

Gear sa lapo!!!

=====================================================